چیئرپرسن کا پیغام

ادب قوموں کا ثقافتی اثاثہ ہوتا ہے۔ اکادمی ادبیات پاکستان کا مقصد اس اثاثے کی حفاظت اور ترویج ہے۔ ہم چاہتے ہیں کہ پاکستانی ادیبوں کو وہ مقام ملے جس کے وہ مستحق ہیں۔ ہمیں اپنی مادری اور قومی زبانوں پر فخر ہونا چاہیے اور ان کے فروغ کے لیے مل کر کام کرنا چاہیے۔

تعارف

ڈاکٹر نجیبہ عارف ایک ممتاز ادبی شخصیت، ماہرِ تعلیم، نقاد اور مترجم ہیں۔ انھوں نے اردو ادب میں پی ایچ ڈی کی ڈگری حاصل کی اور متعدد قومی و بین الاقوامی سطح پر ادبی کانفرنسوں اور سیمیناروں میں شرکت کی۔ وہ اگست 2023 سے اکادمی ادبیات پاکستان کی چیئرپرسن کے منصب پر فائز ہیں۔

ڈاکٹر نجیبہ عارف نے اپنی قیادت میں اکادمی کی ادبی سرگرمیوں میں نمایاں اضافہ کیا ہے۔ انھوں نے "چائے، باتیں اور کتابیں" کے عنوان سے ایک ہفتہ وار غیر رسمی ادبی نشست کا آغاز کیا جو ہر بدھ کو اکادمی کے مرکزی دفتر اسلام آباد میں منعقد ہوتی ہے۔ اس کے علاوہ طلبہ کے دورے، ادبی کانفرنسیں، سیمینار، مشاعرے اور کتب کی رونمائی کے پروگرامات کا سلسلہ بھی تیزی سے جاری ہے۔

اہم اقدامات

• "چائے، باتیں اور کتابیں" — ہفتہ وار غیر رسمی ادبی نشست کا آغاز
• نسلِ نو سے مکالمے کے لیے طلبہ کے دوروں کا اہتمام
• ملک بھر میں ادبی تقریبات اور سرگرمیوں میں اضافہ
• پاکستان چین اشاعتی منصوبے پر پیش رفت
• پاکستانی صوفی شعراء کے کلام کے تراجم کا سلسلہ جاری
• معدوم ہوتی پاکستانی زبانوں کے تحفظ کے لیے خصوصی اقدامات

— ڈاکٹر نجیبہ عارف